領域FC的『特別』選拔旅程
領域FC體育會係2020年開始使用全新而且獨有既選拔方式進行球員選拔。而現有所有現役球員亦要重新參與呢個系列既選拔，務必所有球員都了解球會同追夢既付出。
全新既選拔旅程共分三個階段，由教練、社工、歴奇導師共同設計，務必係三個階段不同既測試同任務當中讓球員明白同了解追夢既經歷，同時更加係選拔中加插你意想不到既團隊挑戰！
第一階段 球員選拔（三部分）
.jpeg)
第一階段球員選拔共分為三個部分：
1）基本足球能力測試；
2）體能測試*；
3）面談。
領域FC體育會既第一階段球員選拔特意安排一個面談部分，主要係為左同有意加入既球員有更多既互動，使大家有更多既了解。我地深信選拔係雙向既，係我地選擇新隊友既同時新隊友亦有選擇既權利，而且我地係由球員們一起營運，所以由選拔開始已經讓參與者感受提出意見或想法既權利。
*體能測試內容：
I. 20米折返跑50次(7分鐘內)
II. 屈膝仰臥起坐31次(60秒內)
III. 掌上壓30次(60秒內)
IV. 俯後撑23次(60秒內)
V. 800米短跑(3分36秒內)
入選第二階段(團隊及體能挑戰營)
成功通過第一階段既參與者會開始安排參與我地不同既訓練，當中包括但不限於足球訓練、體能訓練、各友誼賽同歴奇訓練。
除此之外，我哋亦會為入選球員準備應付第二階段(團隊及體能挑戰營)的部份要求。
第二階段(團隊及體能挑戰營) - 團體挑戰
.jpeg)
『團隊』係足球運動入面好重要既原素，但點樣先可以發揮到團隊呢？係唔係一句加油就可以撐得住隊友？
係第二階段既挑戰營入面，參與者會經歷多個原同既原可能任務，參與者需要同佢既團隊用方法去完成，而每一個團隊任務都有想帶出既主題，絕對係一個一生難忘球會選拔經歷。
第二階段(團隊及體能挑戰營) - 個人突破
『未知』係人最害怕既事，要選擇跳出安舒區 係非常困難既事。係領域FC體育會第二階段選拔入面，我地設計包括個人突破既環節，然而害怕、不信任、否定自己、無信心等等情況會係呢個環節中表露無遺，駐隊既社工會透過呢個階段陪參與者一同突破！
第二階段(團隊及體能挑戰營) - Solo
『黑夜』- 對於唔同人有唔同既感覺，而野外既黑夜除咗靜，亦比人一種神秘感，第二階段挑戰營會因應參加者突性選擇性安排呢類挑戰！
寧靜夜空加上唔熟悉既地方對於好多人而言絕對係一個挑戰，就好似足球場上總有意想唔到既挑戰一樣！
第三階段(最終選拔)
領域FC體育會既第三階段係最終選擇成為我地戰友既一個階段。
我哋宗旨係『擁抱希望，創造未來』，所以最終入選既球員並非參與一隊球會，而係一齊籌辦一個球會，所以除左足球能力外，我地都好希望我地既關係不止於足球上。
當然，我地希望創立既並不止一個足球會，而係一個家，一齊去發掘更多不同既可能性。